KOCHA WA CHELSEA AWAKIMBIA WAANDISHI KUELEKEA MCHEZO WA UEFA WA LEO

 Kocha wa klabu ya Chelsea inayoshiriki ligi kuu ya England Jose Mourinho amekimbia kwenye kikao cha waandishi  wa habari kuelekea kwenye mchezo wa ligi ya mabingwa dhidi ya Steaua Bucharest.

Mourinho hakufurahishwa na maswali ya waandishi wa habari juu ya kutomjuisha kiungo wa kimataifa wa Ubeligiji Kevin De Bruyne ambaye hajasafiri na  Chelsea kwenda nchini  Romanian.

Siku za hivi karibuni Mourinho ameonekana kuchoshwa na maswali ya waandishi wa habari juu ya kwanini hawatumii nyota kama  Juan Mata na De Bruyne.

Mourinho mwenye umri wa miaka 50 anaingia kwenye pambano la leo akiwa na kumbukumbu mbaya ya kufungwa na timu ya Fc Basel ya kwenye ufunguzi wa ligi ya mabingwa barani ulaya iliyochezwa Stanford bridge wiki 2 zilizopita.

BARCELONA NA MATUMAINI YA USHINDI LEO

 

Mkurugenzi wa ufundi wa Barcelona Andoni Zubizarreta anafikiri timu yake itacheza vizuri kwenye mchezo wa leo itakapo pambana na Celtic bila mshambulaji Lionel Messi ambaye  anasumbuliwa na majeraha ya nyama za paja.

Zubizarreta anapata jeuri kwa kikosi kikubwa kilichopo chini ya kocha  Gerardo Martino ambacho kinaweza kufanya kazi nzuri bila uwepo wa mchezaji bora mara 4 wa dunia.

Zubizarreta ambaye ni golkipa wa zamani wa Hispania   anadhani mashabiki wanaihofia Celtic kutokana na  Barcelona kupoteza mechi ya ligi ya mabingwa  dhidi ya wasotland hao msimu uliopita.

Msimu Barcelona ilifungwa magoli 2 kwa 1 na timu ya Glascow Celtic kwenye pambano la ligi ya mabingwa  lililochezwa kwenye uwanja wa Celtic Park .

NA MVP Issa maeda