HALI YA MANDELA YATAJWA KUENDELEA KUBOREKA

Msemaji wa Rais wa Afrika Kusini amesema kuwa, hali ya kiafya ya Nelson Mandela, Rais wa zamani wa nchi hiyo inazidi kuboreka.

Mac Maharaj amesema kuwa, ijapokuwa hali ya kiafya ya Mandela ni mahututi, lakini  sasa inatia moyo baada ya kuendelea kupata matibabu. 

Maharaj amesema kuwa, Rais Jacob Zuma jana alikwenda kumjulia hali Mzee Mandela kwenye hospitali ya Med - Clinic mjini Pretoria.

Tarehe 18 Julai siku Mandela alitimiza miaka 95 ya kuzaliwa, Rais Zuma alilihutubia taifa na kusema kuwa, hali ya kiafya ya Mzee Mandela inaanza kuboreka hatua kwa hatua. 

Nelson Mandela ambaye anapewa heshima kubwa na wananchi wa nchi hiyo, alikuwa rais wa kwanza mweusi baada ya kuangushwa utawala wa ubaguzi wa rangi mwaka 1994 nchini Afrika Kusini.

 Mandela aliwahi kutumikia kifungo cha miaka 27 jela tokea mwaka 1962 hadi 1990, kutokana na harakati za  ukombozi dhidi ya utawala wa kibaguzi wa wazungu wachache nchini humo.

NA radio tehranswahili