WAFUASI WA ANAYEDAI KUJIWA NA BIKIRA MARIA WAUAWA

Mapigano na purukushani zilizotokea kati ya wafuasi wa mwanamke mmoja anayedai kuwa mtaalamu wa elimu ya kiroho nchini Burundi, zimepelekea watu wasiopungua sita kuuawa. 

Tukio hilo limetokea mapema leo baada ya polisi wa Burundi kukabiliana na wafuasi wa Bi Zebiya ambaye anadai kujiwa na Bibi Maryam (AS) mama wa Yesu yaani Nabii Isa AS, ambapo watu sita wameuawa na wengine 35 kujeruhiwa katika tukio hilo. 

Mapigano hayo yalitokea asubuhi na mapema wakati mamia ya wafuasi wa Bi Zebiya mwenye umri wa miaka 30 walipokuwa wamekusanyika juu ya mlima mmoja nchi humo. P

olisi ya Burundi imesema kuwa, polisi wanne walijeruhiwa vibaya katika mapigano hayo. 

Bi Zebiya anadai kuwa, tarehe 12 ya kila mwezi ana uwezo wa kumuona Bibi Maryamu (AS) katika mlima ambao sasa umegeuka kuwa pahala patakatifu kwa wafuasi wake.

radio tehran