SADIO MANE AWEKA REKODI YA KUFUNGA HAT TRICK YA HARAKA ENGLAND

Mshambuliaji wa Southampton Sadio Mane ameweka rekodi ya kufunga magoli matatu ya mapema katika historia ya Ligi Kuu ya soka nchini England.

Mane amefunga magoli hayo ndani ya dakika 2 na sekunde 56.

Magoli hayo matatu ya Mane yanamfanya mchezaji huyo kuvunja rekodi ya mshambuliaji wa zamani wa klabu ya Liverpool Robbie Fowler ya kufunga magoli matatu ndani ya dakika 4 na sekunde 33.

Fowler alifunga magoli hayo katika mchezo kati ya Liverpool dhidi ya Arsenal.

Ila wawili hao wanaweza wasijivunie sana kwani katika historia ya  soka nchini England, hat trick ya mapema kabisa ni ile aliyofunga James Hayter katika mchezo wa Ligi daraja la pili mwaka 2004 kati ya timu yake ya AFC Bournemouth na timu ya Wrexham.

Katika mchezo huo Hayter alitumia muda wa dakika 2 na sekunde 20 kufunga magoli matatu.