Baada ya kuchezea kichapo cha cha bao 3-1 katika mechi ya awali dhidi ya FC Porto ya Ureno ugenini, hatimaye Bayern Munic waliigeuzia kibao Porto na kuirarua bila huruma mabao 6-1 na hivyo kuwa na njia nyeupe ya kutinga nusu fainali kwa ushindi wa jumla ya magoli 7-4.
Nao Barcelona baada ya ushindi wa awali wa bao 3-1 dhidi ya PSG mjini Paris, hapo jana imeendeleza vipigo dhidi ya Wafaransa hao baada ya kuwakandamiza kwa mabao bao 2-0, yaliyotiwa wavuni na Mbrazil Neymar katika kipindi cha kwanza.
Kwa matokeo hayo Barcelona imefuzu nusu fainali kwa ushindi wa jumla ya magoli 5-1.
Mechi nyingine za robo fainali zinakamilika hii leo, pale Juventus ya Italia itakaposhuka uwanjani kumenyana na AS Monaco ya Ufaransa, huku shughuli nyingine pevu ikitarajiwa kuonekana kwenye dimba la Santiago Bernabeu, pale mabingwa watetezi Real Madrid watakapo wakaribisha watani wao wa jadi Atletico Madrid.
Katika mechi ya awali mafahali hao wawili walitoka suluhu ya bila kufungana.




0 comments:
Post a Comment