TIMUA TIMUA: AVB ATIMULIWA TOTTENHAM HOTSPURS, CAPELLO, HIDDINK, HODDLE WATAJWA KUZIBA NAFASI YAKE

Andre Villas-Boas meneja wa Tottenham Hotspur amepoteza kibarua chake kama meneja baada ya kushindwa 5-0 dhidi ya Liverpool katika uwanja wa White Hart Lane hapo jana.
 
Taarifa ya club hiyo imesema: 'Club imefikia uamuzi huo wa kutangaza baada ya makubaliano ambayo yameafikiwa na Kocha Mkuu, Andre Villas-Boaz, kwa kusitisha huduma yake kwa kuridhiana  katika maslahi ya pande zote.

Kipigo cha jana kwa Boas kilichosababisha meneja huyo kuonyeshwa mlango kimekuja wiki tatu tu baada ya kipigo cha 6-0 kutoka kwa Manchester City.
 
Mwenyekiti wa spurs Levy amesema tayari wamejipanga  kwa ajili ya mrithi wa AVB.
 
Tottenham inaangalia kocha uzoefu na Kombe la Dunia ambapo inamfikiria Fabio Capello, ambaye alikuwa katika uwanja wa White Hart Lane siku ya Jumapili kutekeleza majukumu TV, wengine ni  Gus Hiddink na Glenn Hoddle .

Glum: Andre Villas-Boas akishuhudia kipigo cha 5-0 kutoka kwa Liverpool

Huyu jamaa ndiye aliyemsababishia avb matatizo baada ya kufunga mara mbili kwenye ushindi wa 5-0 hapo jana.