MBIO ZA MWENGE WA UHURU ZAHITIMISHWA LEO MKOANI IRINGA, SERIKALI YAAHIDI KUSIMAMIA MIRADI YOTE ILIYOZINDULIWA AMA KUWEKWA MAWE YA MSINGI

 Rais kikwete baada ya kukabidhiwa mwenge wa uhuru

 Rais akizungumza na viongozi wadini

 Rais jakaya kikwete akiteta neno na mbunge wa Iringa mjini mchungaji Peter Msigwa na mbunge viti maalum Chadema Chiku Abwao .

 Vijana wa alaiki baada ya kumaliza onesho lao

Kilele cha mbio za mwenge wa uhuru kimefikia tamati hii leo mkoani Iringa, Huku serikali ikiwa imeahidi kusimamia miradi yote iliyozinduliwa ama kuwekwa jiwe la msingi.

Akihitimisha mbio hizo Rais wa Jamhuri ya Muungano wa Tanzania Dr. Jakaya Mrisho Kikwete amewashukuru Watanzania na vyombo vya habari kwa ushiriki wao katika kipindi chote cha kukimbizwa kwa mwenge wa uhuru.

Akielezea  janga  la  ukimwi rais Kikwete amesema  kuwa   bado  tatizo hilo limeendelea  kuwa kubwa  katika mkoa  wa Njombe ambao  unaongoza kwa maambukizi ukifuatiwa na  mkoa wa Iringa kwa ambapo  amewataka  wananchi wa mikoa  hiyo kuendelea  kuchukua hatua  ya  kupunguza kasi ya maambukizi ya VVU na  kuendelea  kutumia dawa ya  kupumbaza virusi AVR’S  inayotolewa na  serikali huku wale ambao hawajaathirika kuendelea kujilinda wasiathirike .

Ameongeza kuwa mwaka ujao ni mwaka utakaokuwa na matukio makubwa matatu ya  kusherehekea   miaka 50 ya mapinduzi ya  Zanzibar, miaka ya 50 ya muungano wa Tanganyika na Zanzibar na  kukamilika kwa katiba  mpya ya Jamhuri ya muungano wa Tanzania  kama mambo yatakwenda yalivyopangwa.

Aidha Rais Kikwete  ameelezea nia ya serikali ya kuazimisha sherehe za kilele cha mwenge  na siku ya kumbukumbu ya kifo cha Baba wa Taifa Hayati Mwalimu Julias Kambarage Nyerere kuwa ni kuyaenzi mawazo yake hususani kipindi hiki cha mchakato wa upatikanaji wa katiba mpya.

Hata hivyo Rais Kikwete  amesema kuna haja na umuhimu ukubwa wa kuanza kuadhimishwa siku ya kuzaliwa kwa hayata baba wa taifa kama njia sahihi ya kumuenzi na ipewe jina la nyerere day tofauti na ilivyo hivi sasa.

Mbio za Mwenge wa Uhuru kwa mwaka huu zilizinduliwa rasmi na Rais wa Zanzibar, Dokta Ali Mohammed Shein, tarehe 6 May 2013 katika kijiji cha Chokocho Mkoa wa Kusini Pemba, ukiwa na kauli mbiu inayosema“Watanzania ni wamoja tusigawanywe kwa misingi ya tofauti za dini zetu, itikadi na rasilimali”.

picha kwa hisani ya mzee wa matukioblog