WAKANDARASI FEKI WAZIDI KUPOTEZA MAISHA WA WANANCHI WASIO NA HATIA

Habari kutoka Rwanda zinasema watu wasiopungua wanne wamepoteza maisha baada ya jumba la ghorofa 4 kuporomoka katika mji wa Nyagatare, kaskazini mashariki mwa nchi hiyo. 

Habari zaidi zinasema zaidi ya watu 100 wamefukiwa kwenye vifusi. Wizara ya kukabiliana na majanga imesema juhudi zinafanywa ili kuwaokoa wale waliofukiwa. 

Jumba lililoporomoka lilikuwa likiendelea kujengwa na baadhi ya watu wamedai kwamba vifaa duni vilivyotumika huenda ndivyo vilivyosababisha jengo hilo kuanguka. 

Msemaji wa Polisi, Theos Badege amethibitisha tukio hilo na kusema watu 21 wamelazwa hospitalini wakiwa na majeraha mabaya. 

Badege amesema maafa yanaweza kuwa makubwa kwani jengo hilo lilikuwa karibu na shule. Shughuli za uokoaji zingali zinaendelea.