JULIO AONGEZA MKATABA WA MIAKA 3 NA TIMU MWADUI FC

Baada ya kufanikiwa kuipandisha ligi kuu timu ya Mwadui Fc, Kocha Jamhuri Kihweli amesaini mkataba mwingine wa miaka mitatu na timu hiyo.

Kabla ya kusain mkataba huo mchana wa leo, juzi kulikua na taarifa kuwa kocha huyo hataendelea na timu hiyo baada ya kutokubaliana baadhi ya mambo.

Hata hivyo baada ya kikao cha uongozi wa Mwadui Fc na JULIO hapo jana timu hiyo imeamua kumuongezea mkataba wa miaka mitatu.

Julio baada ya kuipandisha Mwadui mwanzoni mwa mwaka huu alienda kwa muda kuifundisha timu ya Coastal Union aliyoinusuru kushuka daraja pamoja na kuweka rekodi ya kufungwa magoli mengi kwenye ligi kuu, magoli 8 dhidi ya Yanga.

Haijafahamika kama kocha huyo ataendelea kuwa na msaidizi wake Amri Said au atakua na wasaidizi wengine.