MWADUI YAENDELEA KUIBOMOA KAGERA SUGAR, YAMNASA RASHID MANDAWA

 

Rashid Mandawa akiwa ameshika tuzo ya mchezaji bora wa mwezi november baada ya kuipokea uwanja wa taifa.

 

Timu ya soka ya Mwadui Fc imezidi kujiimarisha baada yah ii leo kukamilisha usajili wa mchezaji mwingine wa Kagera Sugar Rashid Mandawa.

Mandawa ambaye msimu wa ligi uliomalizika mwezi huu amefunga magoli kumi na kushika nafasi ya nne kwenye msimamo wa wafungaji, amesaini mkataba wa mwaka mmoja na timu hiyo ya mkoani Shinyanga.

Kabla ya kusaini mkabata huo kulikua na taarifa kuwa huenda angejiunga na Simba au kwenda Tp Mazembe kwa ajili ya majaribio.

Mandawa anakua mchezaji wa pili kusajiliwa na timu hiyo baada ya juma lililopita mchezaji mwenzake wa Kagera Sugar Maleges Mwanga.