BAYERN MUNICH YATUPWA NJE CHAMPIONS LIGI PAMOJA NA USHINDI

Pamoja na ushindi walioupata nyumbani usiku wa jana katika Uwanja wa Allianz Arena katika Nusu Fainali ya pili, timu ya Bayern Munich imetupwa nje ya michuano ya Ligi ya Mabingwa Ulaya.

Matokeo ya jana yanaifanya Bayern itupwe nje kwa kipigo cha jumla ya mabao 5-3, baada ya awali kufungwa 3-0 Uwanja wa Camp Nou, Barcelona.

Barca sasa inamsubiri mshindi kati ya Real Madrid na Juventus katika mchezo utakaopigwa leo.

Katika mchezo wa awali Juve ilishinda 2-1 nchini italia.

Mabao ya Bayern katika mchezo wa jana yamefungwa na Medhi Benatia dakika ya saba,Robert Lewandowski dakika ya 59 na Thomas Muller dakika ya 74, wakati ya Barca yote yamefungwa na Neymar dakika ya 15 na 29.