DANNY WELBECK KUKUMBUKWA MANCHESTER UNITED?

Hivi inawezekana mashabiki wa Man U pamoja na benchi la ufundi linamkumbuka danny welbeck katika kikosi chao baada ya kuwaadhibu usiku wa kuamkia leo?

Yawezekana likawa ni swali unalojiuliza hivi sasa kutokana na mbadala wa Welbeck kushindwa kutimiza lengo kusudiwa ndani ya kikosi cha Mashetani wekundu.

Wakati Danny anaondoka Old Traford baadhi ya malegendary waliibuka na kuhoji kuuzwa kwa mchezaji huyo aliyetafsiriwa kama nembo ya klabu kutokana na kukulia klabuni hapo.

Kuondoka kwake kulifungua milango kwa mshambuliaji raia wa Colombia Radamel Falcao aliyetua Traford kuziba nafasi ya welbeck kitu ambacho kimeshindikana.

Falcao ameshindwa kuonesha uwezo uliomridhisha Van Gaal ambaye amekua akimsugulisha benchi katika michezo mingi ya mashindano mbalimbali na kuwapa nafasi washambuliaji Van Persie na wayne Rooney.  

Nimeanza na swali kutokana na kile alichokifanya Welbeck jana usiku katika uwanja wake aliouzoea akirudi kwa mara ya kwanza akiwa na timu tofauti na Man U.

Kwa matokeo ya jana tunaweza kusema Arsenal itakua imetoka kwenye wingu la kipigo mfululizo kutoka kwa Man U?

Danny Welbeck akifunga goli la ushindi la arsenal dhidi ya  Manchester United usiku wa jana  Old Trafford

David de Gea kipa wa man u akimtazama Welbeck akifunga baada ya kumpiga chenga

kocha wa United Louis van Gaal (kushoto) na msaidizi wake  Ryan Giggs wakishuhudia kipigo