AZAM FC YAPOTEZA MATUMAINI YA KUTETEA UBINGWA WA VODACOM...

Ndoto za mabingwa watetezi wa ligi kuu ya Vodacom Azam Fc kutetea ubingwa wake zimefifia au kupotea kabisa baada ya hii leo kulazimishwa nyumbani na Mbeya City.

Mchezo wa ligi kuu ya Vodacom kati ya Azam Fc dhidi ya Mbeya City uliopigwa kwenye uwanja wa azam Complex umemalizika kwa sare ya goli moja kwa moja.

Azam ndio waliokua wa kwanza kujipatia bao kunako dakika ya 57 kupitia kwa kiungo wake Michael Balou, goli lililopatikana kwa juhudi zake binafsi za shuti la umbali wa zaidi ya mita 25.

Dakika mbili baadae Mbeya City walipata penalt baada ya Erasto Nyoni kumvuta jezi Dues Kaseke ndani ya box na mwamuzi kuamuru ipigwe penalt iliyofungwa kiufundi na Rafael Alpha.

Timu zote mbili zilifanya mabadiliko kwa wenyeji kumtoa Frank domayo na nafasi yake kuchukuliwa na Amri Kiemba dk 57, Brian Majwega akampisha Faridi Maliki na Gaudence mwaikimba akachukua nafasi ya Michael Balou.

Kwa upande wa Mbeya City ambao watajilaumu kwa matokeo hayo baaada ya kupoteza nafasi mbili za wazi dakika za mwisho, waliwatoa Paul Nonga na Dues Kaseke na nafasi zao kuchukuliwa na Ahmad Kibopile na Peter Mapunda.