BARCELONA WAMTANGAZA KOCHA MPYA ANAYEMRITHI TITO VILANOVA

Barcelona imemtangaza  Argentine Gerardo Martino Tata kuwa kocha  mpya wa wa klabu hiyo kwa mkataba wa miaka miwili kuchukua nafasi ya meneja iliyoachwa wazi na Tito Vilavano aliyeachia ngazi.

Gerardo Martino mwenye umri wa miaka 50 alichukua taji la ligi kuu ya Argentina msimu uliopita maarufu Clausura akiwa na klabu ya Newell's Old Boys amekaa nje ya masuala ya soka miezi sita.

 

Gerardo Matinho kocha wa zamani wa timu ya taifa ya Paraguay anakuwa kocha wa nne kutoka nchi ya Argentina kuifundisha Barcelona wengine  Helenio Herrera, Roque Olsen na  Cesar Luis Menotti.

Muargentina huyo anayesifika kufundisha mpira wa kuvutia amewazidi makocha  Luis Enrique,   Andre Villas-Boas, Michael Laudrup, Marcelona Bielsa na Guus Hiddink aliyeacha kazi  kwenye klabu ya Anzhi Makhachkala.

 

Wachezaji wa Barcelona, wakiwemo Carles Puyol, Messi na kipa Jose Manuel Pinto walihudhuria mkutano wa kujiuzulu kwa Vilanova ulioongozwa na Rais, Sandro Rosell 

MJUE GERARDO MARTINO

1962: Alizaliwa Novemba 20 mjini Rosario, Argentina.

1980-90: Kiungo huyo mshambuliaji anajiunga na Newell Old Boys ya Argentina na kuichezea mechi 392 za ligi, akifunga mabao 35 ndani ya miaka 10. Alitwaa taji la Primera Division mwaka 1988.

1991: Alicheza mwaka mmoja Tenerife na kuichezea mechi moja timu ya taifa yaArgentina chini ya Alfio Basile.

1991-94: Alirejea Newell Old Boys kwa miaka mitatu na kutwaa mataji mawili zaidi ya Argentina.

1994-95: Aliichezea kwa msimu mmoja Lanus kabla ya kurejea Newell Old Boys.

1996: Alikwenda Ecuadorian kuichezea mwaka mmoja Barcelona Sporting Club na kisha O'Higgins ya Chile.

1998: Alifanya kazi ya ukocha kwa mara ya kwanza Brown de Arrecifes.

1999: Alijiunga na Platense kama kocha.

2000: Alikuwa kocha Mkuu wa Instituto.

2002-03: Aliiongoza Libertad kutwaa mataji mawili ya Paraguay.

2004: Alitwaa taji la Paraguay akiwa na Cerro Porteno.

2005: Alikuwa kocha wa Colon kwa msimu.

2005-06: Alirejea Libertad na kutwaa taji la nne la Paraguay mwaka 2006.

2007: Februari - alikuwa kocha wa timu ya taifa ya Paraguay na akashinda tuzo ya Kocha bora wa Mwaka Amerika Kusini.

2010: Juni - Aliiongoza Paraguay katika Kombe la Dunia Afrika Kusini na kuifikisha hadi Robo Fainali, ambako ilifungwa na Hispania.

2011: Baada ya Paraguay kufungwa katika Fainali ya Copa America na Uruguay, ajajiuzulu ukocha wa timu hiyo ya taifa.

2012-13: Alirejea Newell Old Boys kama kocha na kutwaa taji la Clausura mwaka 2013.

2013: Julai 23 - Anakubali Mkataba wa miaka miwili Barcelona, kurithi mikoba ya Tito Vilanova.