MANCHESTER UNITED YAENDELEZA UBABE MAREKANI

Timu ya Manchester United imeendeleza ushindi katika michezo ya kujiandaa na msimu mpya wa ligi kuu nchini England baada ya kuichapa timu ya san jose mabao 3-1 katika Uwanja wa Avaya mjini San Jose nchini marekani.

Kiungo Juan Mata ndiye alianza kuifungia United asubuhi ya leo katika dakika ya 32, kabla ya Memphis Depay kufunga la pili dakika ya 37.

San Jose walifanikiwa kupata bao lao dakika ya 42 kupitia kwa Fatai, chipukizi Andreas Pereira aliifungia man u bao la kichwa na kuihakikishia ushindi timu hiyo.

 

Kikosi cha Louis van Gaal sasa kitamenyana na mabingwa wa Ulaya, Barcelona katika mchezo ujao wa michuano ya Kombe la Mabingwa wa Kimataifa Jumamosi nchini humo. 

Kikosi cha Manchester United kilikuwa; kipindi cha kwanza; Johnstone, Darmian, Jones, Blind, Shaw, Carrick, Schneiderlin, Young, Mata, Memphis na Rooney.

Kipindi cha pili: Johnstone, McNair, Smalling, Evans, Blackett, Lingard, Schweinsteiger, Herrera, Pereira, Januzaj na Wilson.