LUIS SUAREZ AOMBA KUTAKA KUIHAMA LIVERPOOL

Mshambuliaji wa klabu ya Liverpool Luis Suarez amewasilisha ombi la kutaka kuihama timu hiyo katika msimu huu wa usajili barani Ulaya  baada ya vilabu vya Fc Barcelona na Real Madrid kuonyesha nia ya kutaka kumsajili.

Raia huyo wa Uruguay  mwenye umri wa miaka 26 imearifiwa kuwa uongozi wa Liverpool ambao hapo awali ulitangaza kutomwuuza kwasasa umeamua kumruhusu kuondoka endapo dau wanalolihitaji litafikiwa na timu zinazomtaka.

Suarez  mwishoni mwa msimu uliopita aliadhibiwa kutocheza mechi 10 za ligi kuu ya England kwakosa la kumng’ata  nyota wa Chelsea Branislav Ivanovic  mkataba wake unaruhusu kuuzwa kwa kiasi kisichopungua paund milioni 40.

Kwasasa Suarez yupo na timu ya taifa lake la Uruguay linaloshiriki michuano ya kombe la Mabara nchini Brazil na  jana kikosi chake kimepoteza mchezo wake wa kwanza baada ya kufungwa magoli 2 kwa 1 na Hispania.




Uongozi wa klabu ya soka ya Real Valladolid ya Hispania umemteua kocha wa zamani wa Levante  Juan Ignacio Martinez kuwa kocha wao mpya kuchukua nafasi ya Miroslav Djukic  aliacha kazi mwishoni mwa msimu uliopita.

Taarifa kutoka Hispania zimearifu kuwa Martinez amepewa mkataba wa maiaka miwili  na  ziada ya mkataba mwingine kuifundisha timu hiyo inayoshiriki ligi kuu ya Hispania maarufu kama La Liga.

Tovuti ya klabu ya Real Valladolid imebainisha kuwa kocha huyo mpya anataraji kutambulishwa rasmi hii leo  kwa waandishi wa habari na uongozi wa timu hiyo.

Martinez ambaye ni raia wa Hispania vilabu alivyowahi kuvifundisha ni pamoja na Sevilla,Deportivo la Coruna na Athletico Bilbao  na mara baada ya kuondoka Levante msimu uliopita nafasi yake imechukuliwa na Joaquin Caparros.



Klabu ya soka ya Benfica ya Ureno imefanikiwa kumsajili mlinzi wa timu ya Sporting Lisbon ya nchini humo Steven Victoria kwa mkataba wa miaka minne.

Victoria mwenye umri wa miaka 26 raia wa Canada aliyezaliwa nchini Ureno ameshazichezea timu za taifa za Ureno kwa vijana wenye umri wa miaka 19 na20  anataraji kuwamsaada mkubwa ndani ya kikosi cha Benfica kutokana na uwezo alionao.

Katika kuimarisha kikosi chao Benfica tayari imewasajili nyota watatu raia wa Serbia kiungo mshambuliaji Filip Djuricic na mshambuliaji Lazar Markovic pamoja na Miralem Sulejmani.

Benfika ambayo ilifungwa na Chelsea katika fainali ya kombe la Europa msimu ulimalizika pia ilipoteza ubingwa wa ligi kuu ya Ureno ambao umechukuliwa na klabu ya Fc Porto.