MSHINDI WA PROMOSHENI YA MAHELA AKABIDHIWA KITITA CHAKE

 

·Baada ya Mshindi wa Mahela kuzoa Milioni 100 Sasa ni Cheka Nao.

·Maelfu ya Watanzania kucheka na mamilioni

Siku chache baada ya Mwanafunzi wa chuo cha ualimu Kasulu mkoani Kigoma, Valerian Nickodemus (22)  kuibuka kidedea na kujishindia kitita cha Shilingi milioni 100 katika promosheni ya MAHELA iliyoendeshwa kwa mafanikio makubwa na Kampuni ya Mawasiliano ya Vodacom Tanzania, sasa ni zamu ya Watanzania wengine kujumuika na kucheka nae baada ya kuzinduliwa tena kwa Promosheni nyingine ya Cheka Nao.

Promosheni hiyo ambayo imezinduliwa hivi karibuni itaendelea kuleta faraja na mafanikio kwa wateja wa kampuni hiyo kwa kuweza kujinasua katika hali duni ya maisha.  

Baada ya zaidi ya Watanzania 300 kunufaika kwa kujishindia fedha taslimu katika Promosheni ya MAHELA iliyomahitimishwa Aprili 24 mwaka huu, sasa zaidi ya wateja 6000 wa Vodacom watajishindia Zawadi mbali mbali kwa kipindi cha siku 60.

Akizungumza wakati akikabidhiwa fedha zake za Ushindi, mshindi wa Shilingi Milioni 100 wa Promosheni ya MAHELA, Valerian Nickodemus amewaomba Watanzania kutambua mchango mkubwa unaofanywa na Kampuni ya Vodacom nchini katika kujenga na kuimarisha maisha ya Watanzania.

Nae Mkuu wa kitengo cha masokona mawasiliano wa Vodacom Kelvin Twissa amesema kuwa kampuni yake itaendelea kuboresha maisha ya Watanzania kupitia njia mbalimbali na kuwasihi sasa wateja wa kampuni hiyo kujitokeza kushiriki promosheni mpya ya Cheka nao.

Pamoja na mambo mengine benki ya NMB imejitolea kutoa mafunzo ya ujasiriamali na matumizi sahihi ya fedha kwa Mshindi huyo ili kumuwezesha kuwa na matumizi yenye tija.

Akizungumza katika hafla hiyo iliyofanyika katika makao makuu ya benki ya NMB, Mkuu wa Kitengo cha Wateja Binafsi Abdulmajid Nsekela, amesema kuwa benki yake imekuwa na ushirikiano mzuri wa kibiashara na kampuni ya Vodacom hasa kupitia huduma yake ya M -  pesa.

Promosheni ya Cheka Nao inatoa fursa kwa Wateja wa mtandao wa Vodacom kujiunga na huduma ya Cheka Nao kwa kupiga *149*01#  ambapo mteja atapata dakika 20 za kupiga kwenda mitandao yote zinazotozwa kwa sekunde, SMS 150 na MB 60 zinazotumika kwa masaa 24 na kupata nafasi ya kujishindia fedha taslim ambapo zaidi ya shilingi Milioni 200 zimetengwa kwa ajili ya zawadi kwa washindi. Washindi 10 watajishindia shilingi 50,000/- kwa siku, washindi wengine 100 watajishindia shilingi 10,000/- kwa siku na washindi watano watajishindia shilingi 2m/- kwa mwezi.