HOSNI MUBARAK KUACHIWA HURU

Maafisa nchini Misri wamesema mahakama ya nchi hiyo imeamuru kuachiwa kwa rais wa zamani Hosni Mubarak. 


Mubarak aliitawala Misri kwa muda wa miaka 30 kwa mkono wa chuma mpaka alipopinduliwa miaka miwili iliyopita. 


Hata hivyo ofisi ya waziri Mkuu imesema  Mubarak atawekwa katika mahabusi ya  nyumbani,hatua inayozingatiwa kuwa na lengo la kuwaliwaza wananchi wengi wa Misri walioshiriki katika maandamano yaliyomng'oa Mubarak madarakani.  


Wachunguzi wanasema kuachiwa huru,kwa Mubarak kutauchochea zaidi mgogoro wa kisiasa nchini Misri, hasa baada ya jeshi la nchi hiyo kumwondoa madarakani Mohamed Mursi.


Mubaraka alihukumiwa kifunguo cha maisha jela mwaka jana baada ya kupatikana na hatia ya kushindwa kuyazuia mauaji ya waandamanaji.  

NA dwswahili.com