MGOMO WA MADEREVA DALADALA MANISPAA YA IRINGA WAMALIZIKA BAADA YA MASAA 9

                                 hali ilikua hivi wakati mgomo unaendelea

kuanzia kushoto ni afisa mfawidhi wa sumatra, rto, salim asas, madam jesca, na ocd katika kikao na maderva wa daladala

Baada ya  saa tisa  ya mgomo wa madereva wa daladala  manispaa ya iringa, hatimaye hali ya usafiri imerudi katika hali yake ya kawaida baada ya kikao kilichowahusisha wadau wa usafirishaji.

Kikao hicho cha wadau kilichokutana katika ukumbi wa hallfear , kimewakutanisha  madereva, makondakta, mwenyekiti wa kamati ya usalama barabarani, kamanda wa kikosi cha usalama barabarani , mwakilishi wa manispaa na sumatra.

Katika kikao hicho madereva wameelekeza lawama nyingi sumatra  na kuonyesha kutoridhishwa na utendaji wa  taasisi hiyo kwa faini zake kutoeleweka,  manispaa  kutoeleweka katika upangaji wa vituo  na  kuweka ushuru mkubwa .


Hata hivyo baada ya majadiliano ya muda mrefu  wadau hao wamekubaliana kurudisha huduma  kama kawaidi  kwa kurudishwa vitu vilivyoshikwa sambamba na kuachiwa  magari yaliyokamatwa.

Kwa upande wake kamanda wa usalama barabarani mkoa wa iringa Pamphil g Honono  amesema utaratibu uliokuwepo uendelee kama kawaida  kwa madereva na makondakta  kuwajali wateja wao  na kuwaepusha na kero.


Akizungumza na wanahabari baada ya kikao hicho afisa mfawidhi sumatra mkoa wa iringa Rahim Kondo amesema  changamoto hizo ni zakawaida  katika utendaji.


akifunga  kikao hicho  mwenyekiti wa kamati ya usalama  barabarani  Salim Abri  amesema kuanzia sasa viongozi wa daladala watakua na mwakilishi katika kamati  hiyo  ikiwa ni pamoja na  kuandaa kikao cha wadau kwa ajili ya kuzijadili changamoto zinazowakabili.