MWAI KIBAKI AWATAKA WAKENYA KUDUMISHA AMANI

Rais Mwai Kibaki wa Kenya amewataka wananchi wa nchi hiyo kuwa watulivu kwa minajili ya kuainisha mustakbali wa nchi yao wakati wanapoelekea  kwenye vituo vya kupigia kura na kusisitiza kwamba amani ni msingi wa maendeleo ya Kenya. 

Akizungumza na wananchi kupitia njia ya redio na televisheni  kabla ya kufanyika uchaguzi mkuu uliopangwa kufanyika Jumatatu Machi 4 mwaka huu, Rais Kibaki amewataka wale wote watakaoshindwa kwenye uchaguzi huo waheshimu matokeo yatakayotangazwa. 

Imeelezwa kuwa, karibu watu milioni nne na laki tatu ambao wametimiza masharti ya kupiga kura wanatajariwa kuelekea kwenye vituo vya kupigia kura kwa minajili ya kumchagua rais,wawakilishi wa mabunge mawili na  magavana, uchaguzi ambao ni wa kwanza tokea ilipoundwa katiba mpya ya Kenya iliyobuniwa baada ya kufanyika uchaguzi mkuu mwaka 2007 ambao uligubikwa na ghasia na machafuko nchini humo. 

Uchaguzi wa rais nchini Kenya una wagombea wanane, ambapo mshindi wa kinyang'anyiro hicho atapata fursa ya kukalia kiti kinachoachwa wazi na Rais Mwai Kibaki ambaye amehudumu kwa vipindi viwili vya miaka mitano mitano.

radio tehran swahili