UCHAGUZI WA KENYA WATAKIWA KUWA SOMO PAMOJA NA MAKOSA MACHACHE

Kundi  la  uangalizi  wa  uchaguzi  la  Umoja  wa  Ulaya  limesema leo  kuwa  uchaguzi  mkuu  wa  Kenya  wa  Machi  4  ulikuwa  wa mafanikio lakini  kuna  somo linalopaswa  kuzingatiwa   kutokana  na matatizo  yaliyojitokeza  katika  mchakato  mzima  wa  uchaguzi.

 Ripoti  hiyo  iliyotolewa  leo  mjini  Nairobi  imesema  kuwa  zoezi  la kutoa  matokeo  limeshundwa  kuonyesha  uwazi, wakati  mawakala wa  vyama  na  waangalizi  wa  uchaguzi  hawakupewa  uwezo  wa kutosha  kuona  utaratibu  wa  kuhesabu  kura  katika  vituo  vya kuhesabia  kura.  

Ikizungumzia  kuhusu  matokeo  ya  rais ripoti  hiyo inasema  waangalizi  walisifu  kazi  iliyofanywa  na   mahakama  na kuongeza  kuwa  uhuru  wa  taasisi  hiyo  ulikuwa  muhimu  kwa  ajili ya  kufanikisha  uchaguzi  huo.


Kundi  hilo  la  uangalizi  wa  uchaguzi  limejadili  mapendekezo  yake na  waziri  wa  mambo  ya  kigeni  Amina Mohammed , mgombea  wa urais  kwa  tikiti  ya  chama  cha  CORD Raila Odinga, mwenyekiti wa  tume  huru  ya  uchaguzi  na  uratibu  wa  mipaka Issack Hassan pamoja  na  wadau  wengine.